ငြိမ်ဆေး

ခွဲလို့မရဘူး

သတိရခြင်းရဲ့နောက်က

အလွမ်းက ကပ်ကပ်ပါလာတယ်

ဘယ်အချိန်ပဲဖြစ်ဖြစ်

နင်ကိုသတိရမိရင်

ကလေးဘ၀က ကစားဘူးတဲ့

ကစားနည်းထဲကအတိုင်းဖြစ်သွားတယ်

….." ကျောက်ရုပ်" ……..

 

 

 

အသည်းမကွဲဇတ်လမ်း

ရိုးသားတယ်ဆိုတဲ့ ငါ့အနားမှာ

နင်အတွက် ငါက ဘ၀တစ်ခုမဟုတ်ဘူး မဝေသီ

ငါက မီးတောက်တွေနဲ့ ကြီးပျင်းခဲ့ရတဲ့သူပါ

ငါ့ဘ၀ မီးတောက်တွေထဲ မသိကျေးကျွန်ပြုပြီး မခေါ်ချင်ပြန်ဘူး

အချစ်ဆိုတာ ချစ်နေဖို့ပဲ

ဆိုပေမယ့်

တစ်ကယ်တမ်း လက်တွေ့မှာ အသုံးမတည့်တော့

လိုတရ မဟုတ်တဲ့နင်ဟာ

လိုချင်တာကိုတော့ ရနေတဲ့သူပါ ။

 

ဘ၀ဆိုတာ နင်နဲ့ငါ လိုက်မမှီတဲ့ လျှို့ဝှက်ချက်

နင်နဲ့ငါတွေ့တိုင်း Silence လုပ်ထားတဲ့ ဖုန်းရဲ့နောက်ကွယ်မှာ

နင်အခါတိုင်း မျက်ရည်ကျနေတာကိုက မဖြစ်နိုင်ခဲ့တာပါ

ငါတို့တွေက ကလေးတွေမှမဟုတ်ကြတော့တာ

အချစ်ကို ဖတ်တွယ်လို့ နင်ပဲ ခံစားရမှာ ငါမမြင်ရက်ဘူး မဝေသီ

နင့်ကားထဲကဖွင့်လက်စ သီချင်းလို ''နေပါစေချစ်လို့"

ငါတို့တွေ မုန်းကြတာပဲကောင်းမယ်ထင်ပါတယ်

ရာဇ၀င်မှာ မယ်သီတာနဲ့ဒဿဂီရိက ညားကြတာမှမဟုတ်တာ

ငါက တစ်ခြမ်းပဲ့…''လ"  No No

ငါက ပြည့်ခွင့်မရှိပဲ ဖြစ်တည်နေတဲ့

လမိုက်ညများနဲ့ ကောင်ပါ..။

 

ငါက နင့်ဆို တစ်နင့်တစ်ပိုးနဲ့

ချစ်ခဲ့မိပါတယ်လို့ ၀န်ခံပါတယ် ဝေသီ

နင့်ဘ၀ခရီးမှာ ငါက နှောက်မြီးဆွဲမှာ စိုးတယ်

ငါက အဆိပ်ရှိတဲ့ နွားတစ်ကောင်ပါ မဝေသီ

မနေ့က မသောက်ဖြစ်လိုက်တဲ့ အဆိပ်တွေနဲ့

မနေ့က မသိလိုက်တဲ့ တနင်္ဂနွေ နေ့အချို့နဲ့

ငါက အဆိပ်ရှိတဲ့ နွားတစ်ကောင်ပါ . ။

 

ငါ့ အတွက်ဆိုပြီး ယုယမှုတွေ ပေးခဲ့တာ

နင်နဲ့ စကားလေးတွေ ပြောချင်နေတာ

နင့်မျက်နှာလေးတွေကို မြင်ယောင်လာတိုင်း

ငါ . . သံယောဇဉ်ဖျက်မိပါတယ် . . ။

အတိတ်ဆိုတာ မမေ့ကောင်းတဲ့အရာတဲ့လား မဝေသီ

အရော်တောင်းသွားသော ကျွန်တော်၏ သမိုင်းစာအုပ်

အသည်းကွဲလို့ မျက်ရည်ကျတယ်ဆိုရင် ငါငိုနေသေးတယ် မ၀ါဆို

အံဝင်ဂွင်ကျဖြစ်ပြီးသား အခေါင်းပေါ်က ရုပ်အလောင်းလို

ငါ နင့်အနားက ဝေးသွားခြင်းလား

နင် ငါ့အနားက ဝေးသွားခြင်းလား ဘယ်အရာကိုမှ မသိနိုင်တော့

ဝေးသွားခြင်းက ပဲ့ထွက်သွားတဲ့ မေတ္တာ

အသိကြီးကြီး သတိကြီးကြီး ထားခဲ့ပါတယ်

ပစ္စုပ္ပန်နဲ့ အနာဂတ်ကို မျှော်ငေးမိ ခဲ့ပါတယ်

လက်ပံပင်နဲ့ ခွေးရူးက ဘာမှမဆိုင်ခဲ့ပါဘူး

နင် တာထွက်စောခဲ့တယ် မ၀ါဆို

မြင်နေကျ လူ့ပက်ဝန်းကျင်တစ်ခုလုံးကို ကားလိပ်ချ

ပရိတ်သတ်ကို အိမ်ပြန်စောစေနိုင်သူဟာ နင်ပါ

နင့်ညတစ်ညကို ပိုင်ဆိုင်ရတဲ့အတွက် နင်တောင်းတဲ့ ရော်ကျေးက များမသွားဘူးလား မ၀ါဆို

ဒုက္ခအမှုဆိုတာ သံသရာမှာ ခံရမြဲပဲတဲ့ သုဝဏ္ဏသာမဇတ် ထဲမှာကြားဖူးတယ်

ခါးခါးသီးသီး မုန်းခွင့်ပြုပါ မ၀ါဆို

ကြွေမှ ကောက် ကြွေမှ မွှေး ကြွေကျသွားတဲ့ ခရေတွေ ပျံ့ကျဲနေတယ်

ငါနင့်ကို မုန်းတယ် မ၀ါဆို

နင်ညံ့ခဲ့ပါသေးတယ် မ၀ါဆိုရယ် ငါ့ ရိုးတွင်းချဉ်စီ ကိုတော့
နင်အယုံမသွင်းနိုင်ခဲ့ပြန်ဘူး

ဒါပေမယ့် လက်ရှိ ကျားကန်ကန်ထားပါတယ်

ခပ်ယဲ့ယဲ့လေး ပြုံး

ယဲ့ယဲ့လေး ပျော်လို့

တိတ်တိတ်လေး လွမ်းမိပြန်တယ်

ဒီမယ် မ၀ါဆို . . .. အိနြေ္ဒရှင်မကြီး .. . ဒဿဂီရီမကြီး လို့

နင့်အိမ်ရှေ့မှာ မူးရစ်စွာအော် . .အသည်းက နာတယ်

တစစ်စစ်နဲ့ . . . . . . . . .

နင်နဲ့ငါနဲ့ ချစ်ဇတ်လမ်း

 

နင်ပျော်ဖို့ ပြဒါးတစ်လမ်း သံတစ်လမ်းတွေစီ ငါလာခဲ့ပါရစေ

တောင်တွေကို ကျော်မယ် ပင်လယ်ကိုဖြတ်မယ်

နင့်ဘက်ကသာ ကမ်းလင့်ထားပေးပါ မဝေသီ

တစ်ချိန်က ကျန်ရစ်ခဲ့သော အတိတ်တွေက

ငါတို့နှစ်ယောက်ကို ဝေးသတဲ့ဝေးစေတယ်

နင်နဲ့ငါ့ရဲ့ သမိုင်းတစ်ခုလုံးကို ဝေးစေပါတယ် မဝေသီ

မာယာသုံးပြီး ရိုးသားချင်ယောင်ဆောင်ရအောင်လဲ

ငါတို့ရဲ့ အနာဂတ်အတွက် မလိမ်ညာချင်ပြန်ဘူး

ဘ၀ကိုက ခါးသက်လွန်းလှပါတယ် မဝေသီ

နင်နဲ့ဆက်သွယ်မိတဲ့အချိန်တိုင်း ငါတို့တွေ ကိုယ်စီ ကိုယ်စီ

ခွဲခွာဖို့အတွက် နှုတ်ဆက်သံတွေ ဆူညံလို့

ငါနဲ့ နင်နဲ့ ဘ၀လေး လုံးပါးပါးမှာ စိုးမိပြန်တယ်

ဒီအခန်းလေးမှာ အတိတ်တွေ ခဏလေးတော့ ထားခဲ့ပေးပါ မဝေသီရယ်

ငါတော့ သူယောင်မယ်သီးကိုမှ  ချဉ်ချင်းတက်နေခဲ့တယ်

နင် သိပ်လှတာပဲ မဝေသီ

ရိုင်းများရိုင်းသွားပြီလား . . . . .

ငါနင့်အပေါ် သူငယ်ချင်းအဆင့်ထက် ပိုပါတယ် ဟာ………

အဲဒီမိန်းမက

အဲဒီမိန်းမက ကျုပ်ညတွေကိုဆွဲဆန့်
အလွမ်းတွေကို ထပ်ဝက်ခြမ်းပြီး ထားသွားခဲ့တယ်
ကျုပ်တော့ အဲဒီမိန်းမပေးတဲ့ အလွမ်းကြောင့်
ငယ်သံပါအောင် ငိုခဲ့မိတယ် . . .

အဲဒီမိန်းမရဲ့ ဘယ်ဘက်ရင်ညွှန့်ထက်က မှည့်မှာ
ကျုပ်ဘ၀ကြီး ကျားကန်ကန်ထားရတယ်
သူရင်းငှားပဲ လုပ်ရပါစေ မဝေသီရယ်
Declore တစ်စုံစာတော့ ကျုပ်ဝယ်ပေးနိုင်ပါသေးတယ် . . .

မိန်းမတစ်ယောက်ရဲ့  ၀တ်လဲတော်စမှာ
ရက်လွန်တဲ့ မျှော်လင့်ချက်တွေဝေလို့
ဒီကစားနည်းမှာ ဘယ်သူကစည်းခိုးတာလဲ မဝေသီ
ကျုပ်တော့ အရင်ကထက် စီးခိုးဆော့ရတော့မယ်ထင်တယ်
ဒီလိုနဲ့ပဲ ခဲတံတစ်ချောင်းက ချွန်စက်ထဲကို တဂျုံးဂျုံး …. တဂျုံးဂျုံး ၀င်သွားပါလေတော့သည်။

ဝါဆိုည

ညက မိုးရွာတုန်း
ကျွန်တော်ကိုယ် ကျွန်တော်
သူခြုံထားတဲ့ စောင်ကလေးဖြစ်ချင်စိတ်
ကျိတ်ဖြစ်ခဲ့ရသေးတယ် . . . .

စာအုပ်တစ်အုပ်စီ အလှည့်ပေး
နေ၀င်းမြင့် ၊ သုမောင်
ညအမှောင်က မိုးကိုခြုံလွှမ်းလို့
ပြတင်းအ၀ မိုးစက်တွေတွဲခို
မိုးချိန်းသံကို ကျွန်တော်ကြားတယ် ….

ချည်တိုင်

ခင်ဗျားနဲ့ကျုပ် ဘယ်လောက်တောင်ပေးဆပ်နေပြီလဲ ညီမလေး။ ရိုးရာ ယဉ်ကျေးမှုရဲ့ လူမှုပတ်ဝန်းကျင်ကို မေ့ အနောက်တိုင်းဆန်ဆန် လည်ပက်မှုက ကျုပ်တို့ရဲ့ အနာဂတ်ကို သော့ခက်ထားနေမိသလို ဖြစ်နေပြီလား။ ချစ်သူရဲ့ချစ်သူ ကိုအပစ်တင်ရအောင်လည်း ကျုပ်တို့ကိုင်တိုင်ကိုက ကိုယ့်ချည်တိုင်ကို ပြန်ချည်မိနေတယ်။ 

တစ်ခါမှားတယ် အပစ်

နှစ်ခါမှားတယ် အချစ်

နောက်တခါထပ်မှား ကြပြီဆိုကြပါစို့ မဟုတ်သေးဘူး နောက်တခါကို ထပ်မှားကြပါသေးတယ် ဒါဆို အပစ်လို့ပဲ ခံယူလိုက်ပါ.. မဟုတ်ဘူးလား သံသရာဆိုတာ လည်နေတာလို့ ကျုပ်ရည်းစားဟောင်းက ပြောဘူးတယ် ။ ကျုပ်ပြောခဲ့သလို ခင်ဗျားနဲ့ကျုပ်က ရေစွပ်ထားတဲ့ ဂွမ်းစတစ်စကို ကိုင်ထားတာမဟုတ်ဘူး ဓာတ်ဆီစွပ်ထားတဲ့ ဂွမ်းစတစ်စကို အသီးသီး ကိုင်ထားကြတာပါ ညီမလေးရေ။ အခြား တဖက်စီက ဘာတွေများ ကိုင်ထားကြပြီလဲ ကျုပ်စဉ်းစားမိတယ် သူတို့တွေရဲ့ လက်အစုံမှာ အနာဂတ်ကိုယ်စီနဲ့ စုပ်ကိုင်တာခြင်း လွဲမှား အချိန်တွေ တိုက်စား ကျုပ်တို့တွေရဲ့ ကျန်လက်တဖက် ကမ်းလင့်ရတာ မောလိုက်တာ … အပွင့်သာပွင့်တက်ပြီး အရွက်ကို ထိန်းသိမ်းနိုင်စွမ်းမဲ့တဲ့ စကားပင်လိုပဲ တစ်နေ့

ကျုပ်တို့နှစ်ယောက်က ပွေးလား ၊ ၀ဲ လားသေချာမသိပဲ ကုပ်နေခဲ့တယ်။ ယားတာချင်းတူပေမယ့် Feel ချင်းကွာတယ် မျှော်လင့်ချက်ချင်းကွာတယ် ညီမလေး .. . ။  ခင်ဗျားနဲ့ကျုပ် ဆွဲနေတဲ့ ပန်းချီကားက ကိုယ့်ပုံကိုယ် ပြန်ပြီး ကြည့်နေတဲ့ မှန်လိုပဲ မှန်ရှေ့ရပ်မှ မြင်ရတဲ့အဖြစ်မျိုး

ကျုပ်တို့တစ်တွေ အမှားကိုခုံမင်နေကြပြီ . ..